കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തിന് വാണിജ്യാടിസ്ഥാനത്തില്‍ പ്രവര്‍ത്തിക്കുന്നതിനുള്ള അനുമതി വൈകാതെ ലഭിച്ചേക്കും. അനുമതി നല്‍കുന്നതിനു മുന്നോടിയായുള്ള പരിശോധന സിവില്‍ ഏവിയേഷന്‍ ഡയരക്ടറേറ്റ് കഴിഞ്ഞദിവസങ്ങളില്‍ നടത്തി. വിമാനത്താവള സൗകര്യങ്ങളില്‍ സംഘം സംതൃപ്തരായിട്ടുണ്ട്.
ഓപ്പറേഷനല്‍ ഏരിയ, എയര്‍ ട്രാഫിക് കണ്‍ട്രോള്‍, എയര്‍ സൈഡ്, എ.ആര്‍.എഫ്.എഫ്, സെക്യൂരിറ്റ് ടെര്‍മിനല്‍, എയറോഡ്രോം, ഗ്രൗണ്ട് ലൈറ്റിങ് എന്നിവയാണ് എയറോഡ്രോം സ്റ്റാന്‍ഡേഡ്‌സിന്റെ ഉന്നതോദ്യോഗസ്ഥര്‍ പരിശോധിച്ചത്.