കണ്ണൂര്‍: മുഴപ്പിലങ്ങാട്ട് യൂത്തിലെ കോണ്‍ഗ്രസ് നിയന്ത്രണത്തിലുള്ള ബസ് ഷെല്‍ട്ടറിനു ചുവന്ന പെയിന്റടിച്ചു. വെള്ളിയാഴ്ച രാത്രിയായിരുന്നു സംഭവം.
കോണ്‍ഗ്രസിന്റെ പതാകയുടെ ത്രിവര്‍ണ നിറങ്ങളില്‍ സ്ഥാപിച്ച ബസ് കാത്തിരിപ്പ് കേന്ദ്രത്തിനാണു ചുവന്ന പെയിന്റടിച്ചത്. ഇതു മൂന്നാം തവണയാണു ചുവന്ന നിറം പൂശുന്നത്. രണ്ടുതവണ പെയിന്റടിച്ച് വികൃതമാക്കുകയും ഒരുതവണ ഇതിന്റെ ബോര്‍ഡുകള്‍ തകര്‍ക്കുകയുമാണു ചെയ്തത്.
എടക്കാട് എസ്.ഐ കെ രാജീവ്കുമാറിന്റെ നേതൃത്വത്തിലുള്ള പൊലിസ് സ്ഥലത്തെത്തി അന്വേഷണം നടത്തി. സംഭവത്തില്‍ കോണ്‍ഗ്രസ് മുഴപ്പിലങ്ങാട് പ്രതിഷേധ യോഗം നടത്തി. ഡി.സി.സി പ്രസിഡന്റ് സതീശന്‍ പാച്ചേനി, കെ.പി.സി.സി ജനറല്‍സെക്രട്ടറി വി.എ നാരായണന്‍ എന്നിവര്‍ സ്ഥലം സന്ദര്‍ശിച്ചു.