പയ്യോളി: അയനിക്കാട് കുനിയില്‍ പീടികയില്‍ ആറു വാഹനങ്ങള്‍ അപകടത്തില്‍പ്പെട്ടു. മൂന്നു പേര്‍ക്ക് പരുക്കേറ്റു. ഇന്നലെ രാവിലെയാണ് സംഭവം. കോഴിക്കോട് ഭാഗത്തേക്കു പോകുന്ന കാറിന്റെ പിന്നില്‍ ആദ്യം ബൈക്കിടിക്കുകയായിരുന്നു.
തലശ്ശേരിയില്‍നിന്നും തൃശൂര്‍ ഭാഗത്തേക്കു പോകുന്ന യുവാക്കളാണ് അപകടത്തില്‍പ്പെട്ടത്. ഇവരെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. തുടര്‍ന്ന് നാലു വാഹനങ്ങള്‍ ഒരുമിച്ച് അപകടത്തില്‍പ്പെട്ടു.
സ്റ്റോപ്പില്‍ നിര്‍ത്തിയ കോഴിക്കോട് ഭാഗത്തേക്കു പോകുന്ന ബസിനു പിന്നില്‍ കാര്‍ ഇടിക്കുകയായിരുന്നു. കാറിന്റെ പിന്നില്‍ ആംബുലന്‍സും ഇടിച്ചു. പിന്നാലെ വന്ന ആംബുലന്‍സിലാണ് രോഗികളെ ആശുപത്രിയിലേക്ക് കൊണ്ടുപോയത്. സ്ഥിരം അപകടമേഖലയായ ഇവിടെ ഒരു വര്‍ഷത്തിനിടയില്‍ പത്തു പേര്‍ മരണപ്പെട്ടിരുന്നു.
'വര്‍ഷായനം' പദ്ധതിക്ക് തുടക്കമായി