മുതുകുളം: മത്സ്യബന്ധനത്തിനിടെ തിരയില്‍പ്പെട്ട് വള്ളം മറിഞ്ഞു രണ്ട് തൊഴിലാളികള്‍ക്ക് പരുക്കേറ്റു.
കോസ്റ്റല്‍ പൊലിസും സമീപത്തുണ്ടായിരുന്ന വള്ള ക്കാരും ചേര്‍ന്ന് തൊഴിലാളികളേയും മുങ്ങിയ വള്ളവും കരയിലെത്തിച്ചു. കായംകുളം പൊഴിമുഖത്തിനു സമീപം ഇന്നലെ രാവിലെ 6.30 നായിരുന്നു സംഭവം. തറയില്‍കടവ് തെക്കേപ്പുറത്ത് മണിക്കുട്ടന്‍(39), അറ്റത്ത് സാബു എന്നിവര്‍ക്കാണു പരുക്കേറ്റത്. തറയില്‍ കടവ് മാണിക്കകത്ത് അശോകന്റെ ഉടമസ്ഥതയിലുള്ള ഫൈബര്‍ വള്ളമാണ് അപകടത്തില്‍ പ്പെട്ടത്. വലയും കാമറ അടക്കമുള്ള അനുബന്ധോപകരണങ്ങളും അപകടത്തിനിടെ നഷ്ടപ്പെട്ടതായി തൊഴിലാളികള്‍ പറഞ്ഞു.