കിഴിശ്ശേരി: രണ്ട് ദിവസമായി തുടരുന്ന ശക്തമായ കാറ്റിലും മഴയിലും വ്യാപക കൃഷിനാശം. കുഴിമണ്ണ, മുതുവല്ലൂര്‍, പുല്‍പ്പറ്റ പഞ്ചായത്തിലെ വിവിധ ഭാഗങ്ങളില്‍ ലക്ഷക്കണക്കിന് രൂപയുടെ കൃഷികളാണ് നശിച്ചത്.
കുഴിമണ്ണ പൂക്കോടന്‍ മുഹമ്മദ് കുട്ടിയുടെ കൃഷിയിടത്തിലെ ഇരുന്നൂറോളം വാഴകള്‍ നിലംപൊത്തി. വിളവെടുപ്പിന് പാകമായ വാഴകളാണ് നശിച്ചതിലധികവും.
ഒരു ലക്ഷം രൂപയുടെ നഷ്ടം കണക്കാക്കുന്നു. ഇതിന് പുറമെ കമുക്, തെങ്ങ്, റബര്‍ എന്നിവയും നശിച്ചു. തവനൂര്‍, മുണ്ടംപറമ്പ്, വിളയില്‍ ഭാഗങ്ങളില്‍ ശക്തമായ കാറ്റില്‍ മരങ്ങള്‍ ഒടിഞ്ഞു വീണു. നിരവധി സ്ഥലങ്ങളില്‍ വൈദ്യുതി പോസ്റ്റുകള്‍ തകര്‍ന്നു വൈദ്യുതി മുടങ്ങി.