ശ്രീനഗര്‍: ജമ്മുകശ്മിരിലെ പുല്‍വാമയില്‍ സുരക്ഷാസേനയുമായുള്ള ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെട്ടു. രണ്ടു ഭീകരരും ഒരു സഹായിയുമാണ് കൊല്ലപ്പെട്ടതെന്ന് പൊലിസ് പറഞ്ഞു.
തീവ്രവാദികള്‍ താവളമടിച്ചിട്ടുണ്ടെന്ന രഹസ്യ വിവരത്തെ തുടര്‍ന്ന് അവന്തിപുരയിലെ ഗോരിപുരയില്‍ സുരക്ഷാസേന നടത്തിയ തെരച്ചിലിനിടെയാണ് വെടിവയ്പുണ്ടായത്. സംഘത്തില്‍ കൂടുതല്‍ ഭീകരരുണ്ടോ എന്നറിയാനായി സേന തെരച്ചില്‍ നടത്തിവരികയാണ്.
ഭീകരര്‍ വെടിവച്ചതോടെ സേന തിരിച്ചടിക്കുകയായിരുന്നു. കൊവിഡ് ബാധിച്ച ആളുകളെ പാകിസ്താന്‍ ജമ്മുകശ്മിരിലേക്ക് അയക്കുന്നുണ്ടെന്ന് പൊലിസ് മേധാവി കഴിഞ്ഞ ദിവസം വെളിപ്പെടുത്തിയിരുന്നു.