മലപ്പുറം: അധ്യാപകര്‍ക്കുള്ള അവധിക്കാലത്തെ പരിശീലനം കൂടുതല്‍ കാര്യക്ഷമമാക്കണമെന്നും എസ്.ആര്‍.ജി, ഡി.ആര്‍.ജി തലങ്ങളില്‍ വിദഗ്ധരായ പരിശീലകരെ ലഭ്യമാക്കണമെന്നും കെ.എ.ടി.എഫ് മലപ്പുറം ഉപജില്ലാ കമ്മിറ്റി ആവശ്യപ്പെട്ടു. എ.പി അബ്ദുല്‍ അലി അധ്യക്ഷനായി. നൗഷാദ് മണ്ണിശ്ശേരി ഉദ്ഘാടനം ചെയ്തു.
പി.കെ ഷാഹുല്‍ ഹമീദ്, എസ്.എ റസാഖ്, പി.കെ അബ്ദുല്‍ ജലീല്‍, പി അബ്ദുല്‍ അസീസ്, എം.ടി റഷീദ്, സി.എം മിസ്ഹബ്, പി അബ്ദുല്‍ മജീദ്, എം അബ്ദുല്‍ബാരി, എം.പി ഫസല്‍, എന്‍.കെ ഷാനിദ് സംസാരിച്ചു. ഉപജില്ലയില്‍ നിന്നു വിരമിക്കുന്ന എ.ഇ.ഒ ജയപ്രകാശ്, ഐ.എം.ജി കെ ആയിഷ, അധ്യാപകരായ കെ ആലിക്കുട്ടി, ടി.വി ബിയ്യക്കുട്ടി, എം.പി സുഹ്‌റാബി, എ ആയിഷ, എം സൈനബ എന്നിവര്‍ക്ക് യാത്രയയപ്പും നല്‍കി. ഉപജില്ലയിലെ അറബി അധ്യാപകര്‍ക്കായി നടത്തിയ ഐ.ടി ശില്‍പ്പശാലക്ക് കെ സൈഫുദ്ദീന്‍ നേതൃത്വം നല്‍കി.