പട്ടാമ്പി: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി ഏപ്രില്‍ 26, 27 തിയതികളില്‍ തൃശൂര്‍ വാദിഖുബ(ദേശമംഗലം മലബാര്‍ എന്‍ജിനീയറിങ് കോളജ്) യില്‍ സംഘടിപ്പിക്കുന്ന നാഷണല്‍ഡെലിഗേറ്റ്‌സ് മീറ്റിന്റെ സ്വാഗതസംഘം ഓഫിസ് പട്ടാമ്പി ഖലീഫ പാലസില്‍ നാളെ വൈകിട്ട് നാലിനു സമസ്ത കേരള ജംഇയത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്യും. എസ്.എം.എഫ് ജില്ലാ, മേഖലാ ഭാരവാഹികള്‍, സമസ്തയുടെ പോഷകഘടകങ്ങള്‍, പ്രവര്‍ത്തകര്‍, മഹല്ല് ഭാരവാഹികള്‍, പ്രവര്‍ത്തകര്‍ പങ്കെടുക്കണമെന്ന് സയ്യിദ് റഷീദലി ശിഹാബ് തങ്ങള്‍, രക്ഷാധികാരികളായ ഇമ്പിച്ചിക്കോയ തങ്ങള്‍ ലെക്കിടി, ഇമ്പിച്ചി തങ്ങള്‍ കൊടക്കാട്, ചെയര്‍മാന്‍ ചെറുവാളൂര്‍ ഹൈദ്രോസ് മുസ്‌ലിയാര്‍, ജനറല്‍കണ്‍വീനര്‍ ഹംസ ബിന്‍ ജമാല്‍ റംലി, വര്‍ക്കിങ് കണ്‍വീനര്‍ ബഷീര്‍ കല്ലേപ്പാടം അറിയിച്ചു.