റിയാദ്: റഷ്യന്‍ ലോകകപ്പിലെ സഊദിയുടെ പങ്കാളിത്തത്തിന്റെ ഓര്‍മക്ക് സഊദി അറേബ്യ സ്റ്റാമ്പ് പുറത്തിറക്കി. സഊദി പോസ്റ്റര്‍ കോര്‍പറേഷനാണ് സ്റ്റാമ്പുകള്‍ പുറത്തിറക്കിയത്. ലോകകപ്പ് യോഗ്യതാ മത്സരത്തില്‍ സ്‌പെയിനിനെതിരേ കളിച്ച ടീമിന്റെ ചിത്രം ഉള്‍പെടുത്തിയാണ് സ്റ്റാമ്പ് ഇറക്കിയിട്ടുള്ളത്.
ജനറല്‍ സ്‌പോര്‍ട്‌സ് അതോറിറ്റിയുടെയും ഫിഫ ലോകകപ്പിന്റെയും ലോഗോകള്‍ സ്റ്റാമ്പില്‍ ആലേഖനം ചെയ്തിട്ടുണ്ട്. അഞ്ച് റിയാലിന്റെയും രണ്ട് റിയാലിന്റെയും രണ്ട് സ്റ്റാമ്പുകളാണ് പോസ്റ്റര്‍ കോര്‍പറേഷന്‍ പുറത്തിറക്കിയിട്ടുള്ളത്.