അഞ്ച് ക്യാമറകളുമായെത്തുന്ന ലോകത്തിലെ ആദ്യ സ്മാര്‍ട്‌ഫോണായ നോക്കിയ 9 പവര്‍ വ്യൂ സ്മാര്‍ട്‌ഫോണ്‍ പുറത്തിറക്കി. നോക്കിയ പ്യുവര്‍ വ്യൂ സ്മാര്‍ട്‌ഫോണ്‍ സോഫ്റ്റ് വെയറിന് ഫോണില്‍ ക്യാമറയിലെ ഒരോ ലെന്‍സിനേയും പ്രത്യേകം നിയന്ത്രിക്കാനാകുമെന്ന് എച്ച് എംഡി ഗ്ലോബല്‍ പറയുന്നു. ഇതിലെ ക്യാമറയ്ക്ക് 60 മെഗാപിക്‌സല്‍ മുതല്‍ 240 മെഗാപിക്‌സല്‍ വരെ വലിപ്പമുള്ള ചിത്രങ്ങള്‍ പകര്‍ത്താന്‍ സാധിക്കും.

2019 ലെ മൊബൈല്‍ വേള്‍ഡ് കോണ്‍ഗ്രസിന്റെ ഭാഗമായി ബാഴ്‌സലോണയില്‍ എച്ച്.എം.ടി ഗ്ലോബല്‍ നടത്തിയ പ്രസ് ഇവന്റിലാണ് പുതിയ ഫോണിന്റെ കാര്യം കമ്പനി അറിയിച്ചത്.

മൂന്നു മോണോക്രോം ലെന്‍സും രണ്ട് ആര്‍.ജി.ബി ലെന്‍സും ഉള്‍ക്കൊള്ളുന്നതാണ് പിന്നിലെ അഞ്ച് ക്യാമറകള്‍. ഗൂഗിളിന്റെ ആന്‍ഡ്രോയിഡ് വണ്‍ ഓ.എസ് അധിഷ്ഠിതം തന്നെയാണ് ഈ ഫോണും. 5.99 ഇഞ്ച് 2കെ റെസലൂഷനുള്ള ഫോണില്‍ ക്വാല്‍കോം സ്‌നാപ്ഡ്രാഗണ്‍ 845 പ്രോസസ്സറാണ് കരുത്തിനായി ഉപയോഗിച്ചിരിക്കുന്നത്. ആന്‍ഡ്രോയിഡ് 9 പൈ അധിഷ്ഠിതമായാണ് ഫോണിന്റെ പ്രവര്‍ത്തനം. 6 ജി.ബി റാമും ഫോണിലുണ്ട്.

3320ാഅവ ബാറ്ററിയാണ് ഫോണിനുള്ളത്. കൂടാതെ വയര്‍ലെസ് ചാര്‍ജ്ജിംഗും നോക്കിയ 9ല്‍ ഉള്‍പ്പെടുത്തിയിരിക്കുന്നു. ടൈപ്പ് സി ചാര്‍ജ്ജിംഗ് സംവിധാനമുള്ള ഫോണില്‍ കജ67അംഗീകാരമുള്ള വാട്ടര്‍ ഡസ്റ്റ് പ്രൂഫ് സംവിധാനവുമുണ്ട്. ബ്ലൂടൂത്ത് 5, എന്‍.എഫ്.സി സംവിധാനങ്ങളും നോക്കിയ 9 പ്യുവര്‍ വ്യൂവിലുണ്ട്. ഇത്രയും സംവിധാനങ്ങളുള്ള ഫോണിന് 49,700രൂപയായിരിക്കും ഇന്ത്യയിലെ വില