കൊച്ചി: മാഹിയിലെ സി.പി.എം നേതാവായിരുന്ന പള്ളൂരിലെ ബാബുവിനെ കൊലപ്പെടുത്തിയ കേസില്‍ ഒരു ആര്‍.എസ്.എസ് പ്രവര്‍ത്തകന്‍ അറസ്റ്റില്‍. പ്രത്യേക അന്വേഷണസംഘമാണ് അറസ്റ്റ് ചെയ്തത്. പള്ളൂര്‍ ചെേ്രമ്പ സ്വദേശിയായ പുത്തന്‍പുരയില്‍ സനീഷി(28)നെയാണ് അറസ്റ്റ് ചെയ്തത്. എറണാകുളത്തെ ഒരു ബേക്കറിയില്‍ നിന്ന് രാത്രിയാണ് അന്വേഷണസംഘം സനീഷിനെ അറസ്റ്റ് ചെയ്തത്.

ഇതോടെ കേസില്‍ പിടിയിലായവരുടെ എണ്ണം എട്ടായി. കഴിഞ്ഞ മെയ് ഏഴിന് രാത്രിയാണ് ബാബുവിനെ കൊലപ്പെടുത്തിയത്. 12 പേരടങ്ങുന്ന സംഘമാണ് കൊലപ്പെടുത്തയതെന്നാണ് അന്വേഷണസംഘത്തിന്റെ വിലയിരുത്തല്‍. ബാബു കൊല്ലപെട്ട് മുക്കല്‍ മണിക്കൂറിനുള്ളില്‍ തന്നെ ന്യൂമാഹിയിലെ മലയാള കലാഗ്രാമത്തിന് സമീപം ആര്‍.എസ്.എസ് പ്രവര്‍ത്തകനായ ഷമേജും കൊല്ലപ്പെട്ടിരുന്നു. സനീഷിനെ ഇന്ന് കോടതിയില്‍ ഹാജരാക്കും.