ന്യൂഡല്‍ഹി: ഡല്‍ഹിയില്‍ രണ്ടു മാധ്യമപ്രവര്‍ത്തകര്‍ക്ക് കൊവിഡ് സ്ഥിരീകരിച്ചു. ഒരു ഫ്രീലാന്‍സ് ഫോട്ടോഗ്രാഫര്‍, ഒരു കാമറാമാന്‍ എന്നിവര്‍ക്കാണ് രോഗബാധ സ്ഥിരീകരിച്ചത്. കാമറാമാന്‍ പ്രമുഖ വാര്‍ത്താ ഏജന്‍സിയില്‍ ജോലി ചെയ്യുന്നയാളാണ്. ഒരു മാധ്യമസ്ഥാപനത്തിലെ ഡ്രൈവര്‍ക്കും കൊവിഡ് സ്ഥിരീകരിച്ചിട്ടുണ്ട്. ഡല്‍ഹിയില്‍ ആദ്യമായാണ് മാധ്യമപ്രവര്‍ത്തകര്‍ക്ക് രോഗബാധ സ്ഥിരീകരിക്കുന്നത്. മുംബൈയില്‍ 50ലധികം മാധ്യപ്രവര്‍ത്തകര്‍ക്ക് ഇതിനകം രോഗബാധ സ്ഥിരീകരിച്ചിട്ടുണ്ട്. ചെന്നൈയില്‍ 30നടുത്ത് മാധ്യമപ്രവര്‍ത്തകര്‍ക്കാണ് രോഗബാധ സ്ഥിരീകരിച്ചത്. മുംബൈയില്‍ മാധ്യമപ്രവര്‍ത്തകര്‍ക്ക് രോഗബാധ കണ്ടെത്തിയതിനെ തുടര്‍ന്നാണ് ഡല്‍ഹി സര്‍ക്കാര്‍ ഡല്‍ഹിയിലെ മാധ്യമപ്രവര്‍ത്തകരെ കൊവിഡ് പരിശോധനക്ക് വിധേയമാക്കുന്ന നടപടി ആരംഭിച്ചത്.