കല്‍പ്പറ്റ: വയനാട് ജില്ലയില്‍ സ്വകാര്യ ബസ്സ് നിയന്ത്രണം വിട്ട് മറിഞ്ഞു രണ്ടുപേര്‍ മരിച്ചു. നിരവധി പേര്‍ക്ക് പരിക്കേറ്റു. ചീക്കല്ലൂര്‍ സ്വദേശി വിനോദ്(45)ും, കണിയാമ്പറ സ്വദേശി ജോണ്‍സണുമാണ് അപകടത്തില്‍ മരിച്ചവര്‍. പരിക്കേറ്റവരെ കല്‍പറ്റയിലും ബത്തേരിയിലുമുള്ള ആശുപത്രികളില്‍ പ്രവേശിപ്പിച്ചിരിക്കുകയാണ് വൈകീട്ട് ആറുമണിയോടെയണ് അപകടം നടന്നത്. സുല്‍താന്‍ബത്തേരിക്ക് പോകുകയായിരുന്ന സ്വകാര്യ ബസ്സ് മീനങ്ങാടിക്കടുത്ത് പാതിരിപാലത്ത്‌വച്ച് നിയന്ത്രണം വിട്ട് മറയുകയായിരുന്നു. പരിക്കേറ്റവരുടെ നില ഗുരുതരമാണ്.