റിയാദ്: ഹൃദയാഘാതം മൂലം മലയാളി റിയാദിനടുത്ത് അൽ ഖർജിൽ നിര്യാതനായി. തിരുവനന്തപുരം പാറശ്ശാല സ്വദേശി മുത്തുപ്പിള്ള കുമാർ (35) ആണ്‌ അൽ ഖർജിലെ ഹോത്തയിൽ താമസ സ്ഥലത്ത് വെച്ച് മരിച്ചത്. രാത്രി ഭക്ഷണം കഴിച്ച് ഉറങ്ങാൻ കിടന്നതായിരുന്നു.

കേളി കലാസംസ്ക്കാരിക  വേദിയുടെ അൽഖർജ് സൂക്ക് യൂണിറ്റ് എക്സിക്യൂട്ടിവ് അംഗമായിരുന്ന കുമാർ കഴിഞ്ഞ 5 വർഷമായി ഹോത്തയിൽ തൊഴിലാളിയായി ജോലി ചെയ്തു വരികയായിരുന്നു. 8 മാസങ്ങൾക്ക് മുൻപാണ് അവസാനമായി നാട്ടിൽ പോയി തിരിച്ചെത്തിയത്. പാറശ്ശാല   എം.ആർ ഭവനിൽ മുത്തുപിള്ള, രാജം ദമ്പതികളുടെ മകനാണ്.  ഭാര്യ വിജില മക്കൾ അഭി(9), അഖില(5).  സഹോദരൻ അജി ജിദ്ദയിൽ ജോലി ചെയ്യുന്നു. മൃതദേഹം നാട്ടിൽ കൊണ്ടുപോകാനുള്ള നടപടികൾ കേളി അൽഖർജ് ജീവകാരുണ്യവിഭാഗം കൺവീനർ നാസർപൊന്നാനി, ഏരിയാ ട്രഷറർ ലിപിൻ എന്നിവരുടെ നേതൃത്വത്തിൽ നടക്കുന്നു.