കരാകാസ്: വെനസ്വേലയിലെ ജയിലില്‍ സംഘര്‍ഷത്തിനിടെ 46 തടവുകാര്‍ കൊല്ലപ്പെട്ട സംഭവത്തില്‍ ഐക്യരാഷ്ട്രസഭ അന്വേഷണം പ്രഖ്യാപിച്ചു. സംഭവത്തില്‍ 75 പേര്‍ക്കു പരുക്കേല്‍ക്കുകയും ചെയ്തിരുന്നു. കൊവിഡ് പ്രതിരോധ നിയന്ത്രണങ്ങളുടെ ഭാഗമായി ജയിലില്‍ ഏര്‍പ്പെടുത്തിയ ചില നിയന്ത്രണങ്ങളാണ് സംഘര്‍ഷത്തിലേക്കു നയിച്ചതെന്നാണ് വിവരം. ഇതിന്റെ ഭാഗമായി തടവുപുള്ളികള്‍ക്കു ബന്ധുക്കള്‍ ഭക്ഷണമെത്തിക്കുന്നതും സന്ദര്‍ശിക്കാനെത്തുന്നതും അധികൃതര്‍ തടഞ്ഞിരുന്നു. ഇതേ തുടര്‍ന്ന് തടവുകാര്‍ അക്രമസാക്തരാകുകയായിരുന്നു. ജയിലിന്റെ പ്രധാന കവാടം വരെ തകര്‍ത്തു തടവുകാര്‍ പുറത്തുകടക്കാന്‍ ശ്രമിച്ചതോടെ സഘര്‍ഷമുണ്ടാകുകയും പൊലിസ് വെടിവയ്പ് നടത്തുകയുമായിരുന്നെന്നാണ് റിപ്പോര്‍ട്ട്.