കോഡൂര്‍: ഹരിത കേരള മിഷന്റെ 'ഓണത്തിനൊരുമുറം പച്ചക്കറി' പദ്ധതിയില്‍ വിദ്യാര്‍ഥികള്‍ക്ക് വിത്ത് നല്‍കി. പഞ്ചായത്ത് കൃഷി ഭവന്റെ നേതൃത്വത്തില്‍ ചെമ്മങ്കടവ് ജി.എം.യു.പി. സ്‌കൂളില്‍ നടന്ന പഞ്ചായത്തുതല വിതരണോദ്ഘാടനം പ്രസിഡന്റ് സി.പി ഷാജി നിര്‍വഹിച്ചു. പ്രഥമാധ്യാപകന്‍ ടി. അബ്ദുസലാം അധ്യാക്ഷനായി. കൃഷി ഓഫിസര്‍ പ്രകാശ് പുത്തന്‍മഠത്തില്‍ പദ്ധതി വിശദീകരിച്ചു.
കൃഷി അസിസ്റ്റന്റ് വി.എം സിദ്ദീഖ്, കുടുംബശ്രീ സി.ഡി.എസ് ചെയര്‍പെഴ്‌സന്‍ കെ. റാബിയ എന്നിവര്‍ സംസാരിച്ചു.