ബംഗളൂരു: ആള്‍ ഇന്ത്യ കെ.എം.സി.സി ബംഗളൂരു സെന്‍ട്രല്‍ കമ്മിറ്റി നിംഹാന്‍സ് ആശുപത്രിക്ക് സമീപം നിര്‍മിച്ച ശിഹാബ് തങ്ങള്‍ സെന്റര്‍ ഫോര്‍ ഹ്യുമാനിറ്റി (എസ്.ടി.സി.എച്ച്) കെട്ടിടത്തിന്റെ ഉദ്ഘാടനം ഇന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ കന്നഡ നാടിന് സമര്‍പ്പിക്കും. സേവന രംഗത്ത് സക്രിയമായി പ്രവര്‍ത്തിച്ചുവരുന്ന ബംഗളൂരു കെ.എം.സി.സി കാരുണ്യ പ്രവര്‍ത്തനങ്ങള്‍ ഏകോപിപ്പിക്കാനാണ് ശിഹാബ്തങ്ങള്‍ സെന്റര്‍ ഫോര്‍ ഹ്യുമാനിറ്റി എന്ന കാരുണ്യ ഭവനം യാഥാര്‍ത്ഥ്യമാക്കിയത്. ഉദ്ഘാടനത്തിന് മുന്നോടിയായി ഇന്നലെ വൈകിട്ട് നിംഹാന്‍സ് കണ്‍വന്‍ഷന്‍ സെന്ററില്‍ സൗഹൃദസംഗമം സംഘടിപ്പിച്ചു. കര്‍ണാടക ആഭ്യന്തര മന്ത്രി എം.ബി പാട്ടീല്‍ ഉദ്ഘാടനം ചെയ്തു. സിനിമാ നടനും കര്‍ണാടകയിലെ സാമൂഹ്യ പ്രവര്‍ത്തകനുമായ പ്രകാശ് രാജ് മുഖ്യാതിഥിയായി. കെ.പി.എ മജീദ് മുഖ്യ പ്രഭാഷണം നടത്തി. മുസ്‌ലിംലീഗ് ദേശീയ വൈസ് പ്രസിഡന്റ് ദസ്തഗീര്‍ ആലം, സെക്രട്ടറി സിറാജ് ഇബ്‌റാഹിം സേഠ്, ഡോ. എന്‍.എ മുഹമ്മദ്, ഡോ. ഖലീല്‍ ഇബ്‌റാഹിം, നിംഹാന്‍സ് ആശുപത്രി സി.ഇ.ഒ പ്രസീദ്കുമാര്‍, എം.സി മായിന്‍ ഹാജി, പി.കെ ബഷീര്‍ എം.എല്‍.എ, കെ.എം നൗഷാദ്, ഡോ. അന്‍വര്‍ അമീന്‍, എ. ശംസുദ്ദീന്‍, പി. മൊയ്തീന്‍ ഹാജി, നിഅ്മത്തുല്ല കോട്ടക്കല്‍, നൗഷാദ് കുന്നുമ്മക്കര, അഷ്‌റഫ്, സി.പി രാധാകൃഷ്ണന്‍, സി.എം മുഹമ്മദ് ഹാജി, അബൂസഈദ് ഹുസൈന്‍ ഹാജി, പി.കെ ഷക്കീര്‍, അഹമ്മദ് സാജു, പി.എം മുഹമ്മദലി ബാബു സംസാരിച്ചു. ഹാഫിസ് അഹമ്മദ് കബീര്‍ ബാഖവി പ്രഭാഷണം നടത്തി. ഇന്ന് നടക്കുന്ന കെട്ടിടോദ്ഘാടന സമ്മേളനത്തില്‍ കര്‍ണാടക മുഖ്യമന്ത്രി കുമാര സ്വാമി, കുഞ്ഞാലിക്കുട്ടി എം.പി സംബന്ധിക്കും..