കടുത്തരുത്തി : ജനവാസ കേന്ദ്രത്തിന് സമീപത്തെ പാടശ്ശേഖരം മാലിന്യം ഉപയോഗിച്ച് നികത്താന്‍ ശ്രമം. പ്രദേശവാസികള്‍ക്ക് ഡെങ്കിപ്പനി അടക്കമുള്ള പകര്‍ച്ചവ്യാധികള്‍ പിടിപെട്ടതായി നാട്ടുകാരുടെ പരാതി. മാഞ്ഞൂര്‍ പഞ്ചായത്തിലെ പുളിന്തറ ജംഗ്ഷന് സമീപമാണ് സ്വകാര്യ വ്യക്തി പാടശ്ശേഖരത്തിലേക്ക് മാര്‍ക്കറ്റ് മാലിന്യങ്ങളും കെട്ടിടാവശിഷ്ടങ്ങളും ടിപ്പറിലെത്തിച്ച് പാടം നികത്തുന്നതിനുള്ള ശ്രമം നടത്തുന്നത്.മഴക്കാലമായതോടെ മാര്‍ക്കറ്റ് മാലിന്യങ്ങള്‍ ചീഞ്ഞ് രൂക്ഷമായ ഗന്ധവുമായതോടെ വീടുകളില്‍ താമസിക്കാന്‍ കഴിയാത്ത സ്ഥിതിയാണുള്ളത്. പ്രദേശവാസികളില്‍ ചിലര്‍ക്ക് ഡങ്കു പനിയും മറ്റ് പകര്‍ച്ച വ്യാധികലും പിടിപെട്ട് ചികിത്സയിലാണ്.