തിരുവനന്തപുരം: കൊവിഡ് വ്യാപനം തടയാനും മാസ്‌ക് ധരിക്കണമെന്ന സന്ദേശം ജനങ്ങളിലേക്ക് എത്തിക്കാനും വ്യത്യസ്തമായ പ്രചാരണ പരിപാടിയുമായി കേരളാ പൊലിസ്.
മാസ്‌ക് ഉപയോഗം പ്രോത്സാഹിപ്പിക്കാന്‍ ലക്ഷ്യമിട്ടാണ് പൊലിസിന്റെ പുതിയ ചലഞ്ച്.
വ്യത്യസ്തമായ ഫാമിലി മാസ്‌ക് തയാറാക്കുന്നവര്‍ക്ക് 5000 രൂപ പാരിതോഷികം നല്‍കുമെന്നാണ് പ്രഖ്യാപനം. പുതിയ ഡിസൈന്‍ അയക്കുന്നവര്‍ക്ക് 3000 രൂപ സമ്മാനം നല്‍കും.
മികച്ച മസ്‌ക്കണിഞ്ഞ കുടുംബ ഫോട്ടോകള്‍ പൊലിസിന്റെ വെബ്‌സൈറ്റിലും ഫേസ് ബുക്ക് പേജിലും പ്രസിദ്ധീകരിച്ചുതുടങ്ങിയിട്ടുണ്ട്. ടോം ആന്‍ഡ് ജെറി, ബോബനും മോളിയും തുടങ്ങിയ കാര്‍ട്ടൂണ്‍ കഥാപാത്രങ്ങളിലൂടെയും മാസ്‌ക് ധരിക്കാന്‍ സന്ദേശങ്ങള്‍ പൊലിസ് ഫെയ്‌സ്ബുക്ക് പേജില്‍ പ്രചരിപ്പിക്കുന്നുണ്ട്.