നെല്ലായ: നെല്ലായ ചെമ്മംകുഴി ഇടുതറ ഭാഗത്ത് മദ്യലഹരി മാഫിയ പിടിമുറുക്കുന്നതിനെതിരേ പ്രദേശങ്ങളില്‍ ആക്ഷന്‍ കൗണ്‍സില്‍ രൂപീകരിച്ച് പ്രവര്‍ത്തനം തുടങ്ങിയപ്പോള്‍ ലഹരി വിരുദ്ധ ബോധവല്‍കരണ മീറ്റിങ്ങില്‍ കയറി അക്രമം നടത്തുകയും നേതൃത്വം നല്‍കിയവരേയും അവരുടെ വീടും അക്രമത്തിനിരയാക്കുകയും ചെയ്ത സാമൂഹ്യ വിരുദ്ധര്‍ക്കെതിരേ നടപടി സ്വീകരിക്കാന്‍ വൈകുന്നതില്‍ പ്രതിഷേധിച്ച് ആക്ഷന്‍ കൗണ്‍സില്‍ നേതൃത്വത്തില്‍ പ്രതിഷേധ പ്രകടനം നടത്തി. അഡ്വ: മുഹമ്മദാലി മാറ്റാം തടം , കെ.രാജീവ്, എന്‍. കെ. ഹുസൈന്‍ മാസ്റ്റര്‍, മേലായില്‍ വാപ്പുട്ടി, എം.ടി. എ. നാസര്‍ മാസ്റ്റര്‍, കളത്തില്‍ മാന, കെ.എം. കുഞ്ഞിമുഹമ്മദ്, ദീപക് കുമാര്‍, രവി മാസ്റ്റര്‍ എഴുപന്തല, കെ. രായിന്‍, മാടാല മുഹമ്മദലി, എം.കെ. ഉനൈസ്, അബ്ബാസ് മാസ്റ്റര്‍, അബ്ദുള്‍ സലാം മാസ്റ്റര്‍, സകരിയ്യ, നേതൃത്വം നല്‍കി. പൊതുയോഗം ജില്ലാ ലീഗ് സെക്രട്ടറി മുഹമ്മദലി മാറ്റാംതടം ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് കെ. രാജീവ് അധ്യക്ഷനായി. പഞ്ചായത്ത് അംഗം മേലാടയില്‍ വാപ്പുട്ടി സംസാരിച്ചു. ഹുസൈന്‍ മാസ്റ്റര്‍ സ്വാഗതവും പഞ്ചായത്ത് അംഗം മാന കളത്തില്‍ നന്ദിയും പറഞ്ഞു. പൊലിസ് ലഹരി മാഫിയയുമായി ചേര്‍ന്ന് നടത്തുന്ന കൂട്ടുകച്ചവടം അവസാനിപ്പിച്ചില്ലെങ്കില്‍ പൊലിസ് സ്റ്റേഷന്‍ മാര്‍ച്ച് ഉള്‍പ്പടെ ശക്തമായ സമരവുമായി മുന്നോട്ട് പോകുമെന്ന് ആക്ഷന്‍ കമ്മിറ്റി ഭാരവാഹികള്‍ പറഞ്ഞു.