വെഞ്ഞാറമൂട്: തേമ്പാമ്മൂട് ജനതാ ഹയര്‍ സെക്കന്‍ഡറി സ്‌കൂളില്‍ 'പ്ലാന്തല്‍മുറ്റം പരിപാടി ആരംഭിച്ചു'. സ്‌കൂളിലെങ്ങും പ്ലാവിന്റെ തണലൊരുക്കുകയാണ് പ്രധാന ലക്ഷ്യം.
ഈ വര്‍ഷത്തെ സ്‌കൂള്‍ എക്കോ ക്ലബാണ് പരിപാടി സംഘടിപ്പിച്ചത്. പ്ലാവിനെ സംസ്ഥാന ഫലമായി പ്രഖ്യാപിച്ചതിന്റെ ആഘോഷംകൂടിയായാണ് സ്‌കൂള്‍ മൈതാനത്ത് 100 പ്ലാവിന്‍ തൈകള്‍ നട്ടത്. വനം വകുപ്പാണ് ഇതിനുള്ള തൈകള്‍ വിതരണം ചെയ്തത്. ഇതിന്റെ പരിപാലനം എക്കോ ക്ലബ്ബ് വോളന്റിയറന്‍മാരാണ്. സ്‌കൂള്‍ മാനേജര്‍ റഷീദ് ആനക്കുഴി തൈ സ്‌കൂള്‍മുറ്റത്ത് നട്ടുകൊണ്ട് ഉദ്ഘാടനം ചെയ്തു.
പി.ടി.എ പ്രസിഡന്റ് ഷംനാദ് അധ്യക്ഷനായി. വിദ്യാര്‍ഥി പ്രതിനിധി ഇന്ദ്രജ സ്വാഗതം പറഞ്ഞു. പ്രിന്‍സിപ്പല്‍ എം.എ നാസര്‍, പ്രഥാനാധ്യാപിക ഷീജ, സ്റ്റാഫ് സെക്രട്ടറി ദിനേഷ്, കെ.പി സാജിദ്, എ. ദില്‍ഷ, നമിത, ബിനു, സൗമിനി സംസാരിച്ചു.