കുവൈത്ത് സിറ്റി: രാജ്യത്ത് ഇന്ന് 526 പേര്‍ക്ക് കൂടി കൊവിഡ് സ്ഥിരീകരിച്ചതോടെ കുവൈത്തിലെ വൈറസ് ബാധിതരുടെ എണ്ണം 5,804 ആയതായി ആരോഗ്യ മന്ത്രാലയം വക്താവ് ഡോ.അബ്ദുല്ല അല്‍ സനദ് പറഞ്ഞു. ഇന്ന് രോഗം ബാധിച്ചവരില്‍ 520 പേര്‍ക്കും മുമ്പ് രോഗമുള്ളവരുമായുള്ള സമ്പര്‍ക്കം മൂലമാണ് കൊവിഡ് സ്ഥിരീകരിച്ചത്. ബാക്കി ആറു പേര്‍ വിദേശത്ത് നിന്ന് എത്തിയവരാണെന്നും ആരോഗ്യ മന്ത്രായം അറിയിച്ചു.

രോഗികളുടെ എണ്ണം; രാജ്യം തിരിച്ചുള്ള കണക്ക്

• ഇന്ത്യന്‍ സ്വദേശികള്‍: 195
• കുവൈത്ത് പൗരന്മാര്‍: 80
• ബംഗ്ലാദേശ് പൗരന്മാര്‍: 76
• ഈജിപ്ത് സ്വദേശികള്‍: 66

അതേസമയം ഇന്ന് മാത്രം രാജ്യത്ത് 85 പേര്‍ രോഗമുക്തരായി. ഇതോടെ മൊത്തം രോഗമുക്തരായവരുടെ എണ്ണം 2032 ആയതായി കുവൈത്ത് ആരോഗ്യ മന്ത്രി ശൈഖ് ഡോ.ബാസില്‍ അല്‍ സബാഹ് പറഞ്ഞു.