കാസര്‍കോട്: എന്‍ഡോസള്‍ഫാന്‍ ദുരിതബാധിതരെ കണ്ടെത്തി പട്ടികയില്‍ ഉള്‍പ്പെടുത്തുന്നതിന്റെ ഭാഗമായി  നടക്കുന്ന സ്‌പെഷല്‍ മെഡിക്കല്‍ ക്യാംപ് ഇന്ന് സമാപിക്കും. ഇന്ന് പെരിയ ഗവ. ഹയര്‍ സെക്കന്‍ഡറി സ്‌കൂളില്‍ നടക്കുന്ന മെഡിക്കല്‍ ക്യാംപില്‍ 1418 പേര്‍ പങ്കെടുക്കും. അജാനൂര്‍, പുല്ലൂര്‍ പെരിയ, ചെമ്മനാട്, മടിക്കൈ, ഉദുമ ,പള്ളിക്കര എന്നീ പഞ്ചായത്തുകളിലെയും കാഞ്ഞങ്ങാട് നഗരസഭയിലെയും രോഗികളാണ് ക്യാംപില്‍ പങ്കെടുക്കുക. ഇന്നലെ ബോവിക്കാനം പി.എ.ആര്‍.എച്ച്.എസില്‍ നടന്ന മെഡിക്കല്‍ ക്യാംപില്‍ 637 പേര്‍ പങ്കെടുത്തു. റവന്യൂ മന്ത്രി ഇ ചന്ദ്രശേഖരന്‍, എന്‍ഡോസള്‍ഫാന്‍ സെല്‍ ഡെപ്യൂട്ടി കലക്ടര്‍ സി ബിജു, ദേശീയ ആരോഗ്യദൗത്യം ഡി.പി.ഒ ഡോ.രാമന്‍ സ്വാതിവാമന്‍ തുടങ്ങിയവര്‍ ക്യാംപില്‍ എത്തിയിരുന്നു.