ന്യൂഡല്‍ഹി: രാജ്യത്ത് കൊവിഡ് ബാധിതരുടെ എണ്ണം അരലക്ഷം കടന്നു. അനൗദ്യോഗിക കണക്ക് പ്രകാരം ഇന്നലെ വൈകിട്ട് വരെ 52,247 പേര്‍ക്കാണ് രോഗം സ്ഥിരീകരിച്ചത്. 

1,766 പേര്‍ മരിച്ചു. 16,000ത്തിലധികം കേസുകളുമായി മഹാരാഷ്ട്രയാണ് കൊവിഡ് ബാധിതരുടെ എണ്ണത്തില്‍ മുന്നില്‍. 

ആറായിരത്തിലധികം കേസുകളുമായി ഗുജറാത്താണ് രണ്ടാംസ്ഥാനത്ത്. 

അയ്യായിരത്തിലധികം കേസുകളുള്ള ഡല്‍ഹി മൂന്നാമതാണ്. 

തമിഴ്‌നാട്, രാജസ്ഥാന്‍, മധ്യപ്രദേശ്, ഉത്തര്‍പ്രദേശ്, ആന്ധ്രാപ്രദേശ്, പഞ്ചാബ്, പശ്ചിമബംഗാള്‍, തെലങ്കാന എന്നീ സ്ഥാനങ്ങളില്‍ ആയിരത്തിനു മുകളില്‍ കേസുകളുണ്ട്. 

മരണസംഖ്യയിലും 650ലധികം പേര്‍ക്ക് ജീവന്‍ നഷ്ടമായ മഹാരാഷ്ട്ര തന്നെയാണ് മുന്നില്‍. 400നടുത്ത് ആളുകള്‍ മരിച്ച ഗുജറാത്താണ് രണ്ടാമത്.