വണ്ടൂര്‍: ക്ഷേത്ര ഉത്സവത്തിന് വെടി പൊട്ടിക്കാന്‍ കതീന നിറക്കുന്നതിനിടെയുണ്ടായ അപകടത്തില്‍ 3 പേര്‍ക്ക് പരുക്ക്. തിരുവാലി ഷാരത്ത് കുന്ന് പുതുക്കോടന്‍ സുന്ദരന്‍ (39), മക്കളായ അജുല്‍ (8), അതുല്‍ (8) എന്നിവര്‍ക്കാണ് പരുക്കേറ്റത്. കതീന പൊട്ടിയതോടെ സമീപത്തുണ്ടായിരുന്ന വെടിമരുന്നിനും തീ
പിടിച്ചു.

വൈകുന്നേരം തിരുവാലി കൈതയില്‍ ക്ഷേത്രത്തിലായിരുന്നു സംഭവം. നാളെ നടക്കുന്ന ഉത്സവത്തിന്റെ ഭാഗമായി സുന്ദരന്‍ കതിന നിറക്കുന്നതിനിടെ അബദ്ധത്തില്‍ പൊട്ടുകയായിരുന്നു. കുട്ടികള്‍ കാഴ്ചക്കാരായി എത്തിയതായിരുന്നു.

കുട്ടികളുടെ പരിക്ക് നിസാരമാണ്. ഉടന്‍ ക്ഷേത്ര ഭാരവാഹികളും നാട്ടുകാരും ചേര്‍ന്ന് സമീപത്തെ ആശുപത്രിയിലും പിന്നീട്
കോഴിക്കോട് മെഡിക്കല്‍ കോളേജ് ആശുപത്രിയിലും എത്തിക്കുക
യിരുന്നു.