തിരുവനന്തപുരം: കേരള പൊലിസിലെ 184 സബ് ഇന്‍സ്‌പെക്ടര്‍മാര്‍ക്ക് സര്‍ക്കിള്‍ ഇന്‍സ്‌പെക്ടര്‍മാരായി സ്ഥാനക്കയറ്റം.
168 പൊലിസ് സ്റ്റേഷനില്‍ കൂടി എസ്.എച്ച്.ഓമാരായി സര്‍ക്കിള്‍ ഇന്‍സ്‌പെക്ടര്‍മാരായി നിയമിച്ചു.
ഇതോടെ 375 പൊലിസ് സ്‌റ്റേഷനുകളില്‍ എസ്.എച്ച്.ഓമാര്‍ സര്‍ക്കിള്‍ ഇന്‍സ്‌പെക്ടര്‍മാരായി.

ഇനി 101 സ്റ്റേഷനില്‍ കൂടി സര്‍ക്കിള്‍ ഇന്‍സ്‌പെക്ടര്‍മാരെ നിയമിക്കാനുണ്ട്. കോടതിയില്‍ നിലനിന്നിരുന്ന കേസുകള്‍ അവസാനിച്ചതിനെ തുടര്‍ന്നാണ് സ്ഥാനക്കയറ്റം നല്‍കിയത്.

ഡിപ്പാര്‍ട്ട്‌മെന്റുതല പ്രൊമോഷന്‍ കമ്മിറ്റിയുടെ ശുപാര്‍ശ പ്രകാരമാണ് സ്ഥാനക്കയറ്റം. സംസ്ഥാന പൊലിസ് മേധാവി ലോകനാഥ് ബെഹ്‌റയുടെതാണ് തീരുമാനം.