മുക്കം: തൃക്കുടമണ്ണ ശിവക്ഷേത്രത്തിലെ ശിവരാത്രി മഹോത്സവത്തിന്റെ ഭാഗമായി നടന്ന സാംസ്‌കാരിക സമ്മേളനത്തില്‍ മുക്കം മുസ്‌ലിം ഓര്‍ഫനേജ് ജനറല്‍ സെക്രട്ടറിയും മഹല്ല് കാരണവരുമായ വി.ഇ മോയിമോന്‍ ഹാജിയെ ആദരിച്ചു.
സമ്മേളനം നഗരസഭ ചെയര്‍മാന്‍ വി. കുഞ്ഞന്‍ ഉദ്ഘാടനം ചെയ്തു. സുകുമാരന്‍ ഇരുള്‍കുന്നുമ്മല്‍ അധ്യക്ഷനായി. മുക്കം സേക്രഡ് ഹാര്‍ട്ട് പള്ളി വികാരി ഫാദര്‍ ജേക്കബ് പുത്തന്‍പുരക്കല്‍, രാജേശന്‍ വെള്ളാരംകുന്നത്ത്, കാരശ്ശേരി പഞ്ചായത്ത് പ്രസിഡന്റ് വി.കെ വിനോദ്, അബ്ദുല്ല കുമാരനെല്ലൂര്‍, മുക്കം വിജയന്‍, തച്ചോലത്ത് ഗോപാലന്‍ സംസാരിച്ചു.