പട്ടാമ്പി: കൊടലൂരില്‍ വര്‍ഷങ്ങളായി താമസിച്ച് വന്നിരുന്ന സയ്യിദ് അബ്ദുല്‍കരീം(78)വിടവാങ്ങി. മഹല്ലിലെ മുശാവറ അംഗമായി പ്രവര്‍ത്തിച്ചിരുന്ന സയ്യിദ് പ്രദേശവാസികളുടെ ആശ്രയകേന്ദ്രമായിരുന്നു.
നിറപുഞ്ചിരിയോടെയുള്ള സംസാരവും സാന്ത്വനപ്പെടുത്തലുകളുമായി പ്രദേശവാസികള്‍ക്കിടയില്‍ സൗഹൃദം കാത്തുസൂക്ഷിച്ചാണ് തങ്ങള്‍ വിടവാങ്ങിയത്. സമസ്തയോടപ്പം സഞ്ചരിച്ച അദ്ദേഹം മതസാംസ്‌കാരിക രാഷ്ട്രീയ മേഖലകളിലെ നിറസാന്നിദ്ധ്യവുമായിരുന്നു.
നാട്ടില്‍ നടക്കുന്ന പ്രശ്‌നപരിഹാരത്തിന് മുന്‍പന്തിയില്‍ നിന്ന് ഉചിതമായ പരിഹാര നടപടികള്‍ കൈകൊള്ളുന്നതിലും സങ്കടപ്പെട്ട് വരുന്നവര്‍ക്ക് ആശ്വാസം നല്‍കിയും ജീവിതത്തിന് ഊര്‍ജ്ജം പകര്‍ന്നുമാണ് സയ്യിദവര്‍കള്‍ കൊടലൂര്‍ നിവാസികള്‍ക്കിടയില്‍ ഓര്‍മയാകുന്നത്.