മംഗലംഡാം: വണ്ടാഴി സി.വി.എം സ്‌കൂള്‍ പരിസരത്തുനിന്നും വില്‍പനക്കായി കൊണ്ടുവന്ന 350 പാക്കറ്റ് ഹാന്‍സും വാഹനവും മംഗലംഡാം പൊലിസ് പിടികൂടി. പൊള്ളാച്ചി സ്വദേശി തിരുമലൈസ്വാമി മകന്‍ ശെല്‍വരാജാണ് പ്രതി.  പാലക്കാട് എസ്.പി പി.എസ് സാബു, ആലത്തൂര്‍ ഡിവൈ.എസ്.പി വി.എ കൃഷ്ണദാസ് എന്നിവര്‍ക്ക് കിട്ടിയ രഹസ്യവിവരത്തിന്റെ അടിസ്ഥാനത്തില്‍ മംഗലംഡാം എസ്.ഐ കെ.എസ് സുബിന്ദ്, എസ്.സി.പി.ഒമാരായ വേലപ്പന്‍, അബ്ദുനാസര്‍, സി.പി.ഒമാരായ ധനഞ്ജയന്‍, വിനു മോന്‍ എന്നിവരുടെ സംഘം വളരെ തന്ത്രപരമായാണ് പ്രതിയെ പിടികൂടിയത്. സ്‌കൂള്‍ വിദ്യാര്‍ഥികള്‍ക്കും വഴിയോര കച്ചവടക്കാര്‍ക്കും യഥേഷ്ടം സാധനം എത്തിച്ച് കൊടുക്കുന്ന ഇടനിലക്കാരനാണ് പ്രതി. ഹാന്‍സ് കൂടാതെ ഇയാളില്‍നിന്നും 10,000 രൂപയും പിടിച്ചെടുത്തിട്ടുണ്ട്.