ഫ്‌ളോറിഡ: സിറിയന്‍ സൈനികതാവളത്തിനു നേരെ മിസൈല്‍ ആക്രമണം നടത്തിയ യു.എസ് സൈന്യത്തെ യു.എസ് പ്രസിഡന്റ് ഡൊണാള്‍ഡ് ട്രംപ് അഭിനന്ദിച്ചു. ഇതിനിടെ ഉയര്‍ന്ന ആരോപണത്തിനും ട്രംപ് മറുപടി പറഞ്ഞു. ആക്രമണത്തില്‍ യു.എസ് കോണ്‍ഗ്രസിലെ ചില അംഗങ്ങള്‍ എതിര്‍പ്പ് പ്രകടിപ്പിച്ച സാഹചര്യത്തിലാണ് ട്രംപിന്റെ വിശദീകരണം. വ്യോമതാവളത്തിലെ റണ്‍വേ തകര്‍ത്തിട്ടില്ലെന്നു ട്രംപ് പറഞ്ഞു. ഇന്ധനസ്റ്റേഷന്‍, ഹാംഗറുകള്‍, ചില വിമാനങ്ങള്‍ എന്നിവയാണു തകര്‍ത്തത്.
റണ്‍വേകള്‍ തകര്‍ത്താല്‍ പെട്ടെന്ന് വലിയ പണച്ചെലവില്ലാതെ പുനര്‍നിര്‍മിക്കാനാകും. ചൈനീസ് പ്രസിഡന്റ് ഷീ ജിന്‍ പിങ്ങുമായി രണ്ടു ദിവസത്തെ ഉച്ചകോടിക്ക് അന്താരാഷ്ട്ര ഗോള്‍ഫ്ക്ലബില്‍ എത്തിയപ്പോഴായിരുന്നു ട്രംപിന്റെ പ്രതികരണം.