ബാവലി: ബാവലി മഖാം ഉറൂസിന് ഖത്മുല്‍ ഖുര്‍ആന്‍ ദുആ സമ്മേളനത്തോടെ സമാപനമായി. സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഖത്മുല്‍ ഖുര്‍ആന്‍ ദുആ സമ്മേളനം ഉദ്ഘാടനം ചെയ്തു.
മഖാമുകളും അവിടങ്ങളില്‍ നടക്കുന്ന ഉറൂസുകളും മതസൗഹാര്‍ദ്ദത്തിന്റെ കേന്ദ്രങ്ങളാണെന്നും ഇവ നിലനിര്‍ത്താന്‍ വിശ്വാസികള്‍ തയ്യാറാവണമെന്നും തങ്ങള്‍ പറഞ്ഞു.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, സമസ്ത കേന്ദ്ര മുശാവറ അംഗം വി മൂസക്കോയ മുസ്‌ലിയാര്‍, ആനമങ്ങാട് അബൂബക്കര്‍ മുസ്‌ലിയാര്‍, എം.കെ സുലൈമാന്‍ മൗലവി, ജഅ്ഫര്‍ ഹൈതമി സംബന്ധിച്ചു.
രാവിലെ നടന്ന സാംസ്‌കാരിക സമ്മേളനത്തില്‍ സാദിഖലി ഫൈസി അധ്യക്ഷനായി. ഹുസൈന്‍ പേരായി, റംനാസ് അസ്ഹരി, സത്തീര്‍ പന്തല്ലൂര്‍, ഹമീദലി ബാവലി, ഹാരിസ് കാട്ടിക്കുളം സംസാരിച്ചു.