പേരൂര്‍ക്കട: വിവാദ എ.ഡി.ജി.പി സുദേഷ്‌കുമാറിന്റെ വളര്‍ത്തുനായയെ കല്ലറിഞ്ഞുവെന്ന പരാതിയില്‍ പേരൂര്‍ക്കട പൊലിസ് കേസെടുത്തു. ബുധനാഴ്ച രാവിലെ എ.ഡി.ജി.പി താമസിക്കുന്ന വയലിക്കട ചെഷയര്‍ഹോം അമ്പലനഗറിലെ ഇരുനിലവീട്ടിലാണ് അജ്ഞാതര്‍ നായയെ കല്ലെറിഞ്ഞുവെന്ന പരാതിയുള്ളത്. സംഭവദിവസം നായയെ മുറിവേറ്റ നിലയില്‍ കണ്ടുവെന്നും സമീപത്ത് ഒരു കല്ലുണ്ടായിരുന്നുവെന്നുമാണ് എ.ഡി.ജി.പി പരാതിയില്‍ പറയുന്നത്. ഡി.ജി.പി നല്‍കിയ പരാതി പേരൂര്‍ക്കട സ്റ്റേഷന് കൈമാറുകയായിരുന്നു. ഡി.ജി.പിയുടെ ഉത്തരവിന്റെ അടിസ്ഥാനത്തിലാണ് കേസെടുത്ത് അന്വേഷണം നടത്തുന്നത്.