പാനൂര്‍: തൃപ്രങ്ങോട്ടൂര്‍ ഗ്രാമപഞ്ചായത്ത് 2016-2017 വാര്‍ഷിക പദ്ധതിയില്‍ പട്ടികജാതി പട്ടികവര്‍ഗ വിഭാഗങ്ങള്‍ക്കുള്ള ഓട്ടോറിക്ഷ വിതരണോദ്ഘാടനം പ്രസിഡണ്ട് കാട്ടൂര്‍ മഹമൂദ് നിര്‍വഹിച്ചു. വൈസ് പ്രസിഡണ്ട് നിഷ നെല്ല്യാട്ട് അധ്യക്ഷയായി. സമീര്‍ പറമ്പത്ത്, ശിവന്‍ പള്ളിക്കണ്ടി, നസീമ ചാമാളിയത്തില്‍, സി സത്യന്‍, കെ സുരേഷ് ബാബു, സെക്രട്ടറി ടി.പി മുസ്തഫ, അസിസ്റ്റന്റ് സെക്രട്ടറി സജിത്കുമാര്‍, എസ്.സി പ്രമോട്ടര്‍ സീന സംസാരിച്ചു. തൃപ്രങ്ങോട്ടൂര്‍ ഗ്രാമപഞ്ചായത്തു വര്‍ഷങ്ങളായി തുടര്‍ന്നു വരുന്ന പദ്ധതിയാണ് പട്ടികജാതി പട്ടികവര്‍ഗ വിഭാഗങ്ങള്‍ക്കുള്ള ഓട്ടോറിക്ഷാ വിതരണം. ഈ വര്‍ഷം എട്ടു കുടുംബങ്ങള്‍ക്കാണ്  വിതരണം ചെയ്തത്.