മലപ്പുറം: കോഡൂര്‍ മങ്ങാട്ടുപുലം പ്രവാസി കൂട്ടായ്മയുടെ നേതൃത്വത്തില്‍ നിര്‍ധനരായ 12 കുടുംബങ്ങളുടെ ചികിത്സക്കും മറ്റുമുള്ള ചെലവു കൈമാറി. ' പിറന്ന നാടിന് ഒരു കൈത്താങ്' എന്ന പേരില്‍ 132 പ്രവാസികള്‍ പിരിവെടുത്താണു പദ്ധതി നടപ്പാക്കുന്നത്.
ധനസഹായ വിതരണോദ്ഘാടനം പി. മൊയ്തീന്‍കുട്ടി നിര്‍വഹിച്ചു. കെ. സിദ്ധീഖ് അധ്യക്ഷനായി. മൂജീബ് തിയ്യാന്‍, ഷൈജു കേളിക്കോടന്‍, പി.പി സാദിഖലി, നാണത്ത് മുഹമ്മദലി സംസാരിച്ചു.