താമരശേരി: വിദ്യാര്‍ഥികള്‍ക്ക് അവധിക്കാലം ഉല്ലാസകരവും വിജ്ഞാനപ്രദവുമാക്കുന്നതിന് പൂനൂര്‍ ഐ-ഗേറ്റിന്റെ ആഭിമുഖ്യത്തില്‍  യു.പി സ്‌കൂള്‍ വിദ്യാര്‍ഥികള്‍ക്കായി സംഘടിപ്പിക്കുന്ന സമ്മര്‍ ഗേറ്റ് 2017 ത്രിദിന അവധിക്കാല പരിശീലനക്കളരി  പൂനൂര്‍ കാരുണ്യതീരം കാംപസില്‍ ആരംഭിച്ചു. കട്ടിപ്പാറ ഗ്രാമപഞ്ചായത്ത് വൈസ് പ്രസിഡന്റ് നിധീഷ് കല്ലുള്ളതോട് ഉദ്ഘാടനം ചെയ്തു. കെ.കെ മുനീര്‍ അധ്യക്ഷനായി. പി.സി മുഹമ്മദ് ഗഫൂര്‍, എം.കെ മുഹമ്മദ്, വി.പി.ഉസ്മാന്‍ , ലൗലി ഷുക്കൂര്‍, വി.കെ ജാബിര്‍, അബ്ദുല്‍ കലാം സംബന്ധിച്ചു.