മുക്കം: വാദിറഹ്മ സ്ഥാപനങ്ങളെ അന്താരാഷ്ട്ര നിലവാരത്തിലേക്കുയര്‍ത്താനുള്ള കര്‍മ്മ പദ്ധതി 'വിഷന്‍ 2020' പ്രഖ്യാപന സമ്മേളനം നാളെ വൈകുന്നേരം 4. 30 ന് കൊടിയത്തൂര്‍ വാദിറഹ്മ ക്യാംപസില്‍ നടക്കുമെന്ന് സംഘാടകര്‍ അറിയിച്ചു. അക്കാദമിക് എക്‌സലന്‍സ്, ഭൗതിക സാഹചര്യങ്ങള്‍ മെച്ചപ്പെടുത്തല്‍, വിദ്യാര്‍ഥികളില്‍ സാമൂഹിക അവബോധം സൃഷ്ടിക്കുക  പ്രവര്‍ത്തനങ്ങള്‍ ഇതിന്റെ ഭാഗമായി നടക്കും. പ്രഖ്യാപന സമ്മേളനം ജോര്‍ജ് എം തോമസ് എം.എല്‍. എ ഉദ്ഘാടനം ചെയ്യും. ഒ. അബ്ദുറഹ്മാന്‍ അധ്യക്ഷനാകും. 'വിഷന്‍ 2020' ന്റെ പ്രഖ്യാപനം ഐ.ഐ.എം അസോ.പ്രൊ. സജി ഗോപിനാഥ് നിര്‍വഹിക്കും. ഡോ. കൂട്ടില്‍ മുഹമ്മദ് അലി, പി.കെ ഗ്രൂപ്പ് ചെയര്‍മാന്‍ പി.കെ അഹമ്മദ്, പഞ്ചായത്ത് പ്രസിഡന്റ് സി.ടി.സി അബ്ദുള്ള, സെക്യൂറ ഇന്‍വെസ്റ്റ്‌മെന്റ് എം ഡി എ .എം മെഹബൂബ്, സദ്ഭാവന സി.ഇ.ഒ കെ. ഇ ഹാരിഷ്, പി.ടി.എ പ്രസിഡന്റ് അക്ബര്‍ കൊളക്കാടന്‍ സംബന്ധിക്കും.