ദുബൈ: ഗസ്സ നിവാസികള്‍ക്ക് അടിയന്തര മാനുഷിക സഹായം ലക്ഷ്യമിട്ട് യുഎഇ ആരംഭിച്ച ഓപറേഷന്‍ ഷിവല്‍റസ് നൈറ്റ്-3 ഭാഗമായി നിരവധി ദുരിതാശ്വാസ സാമഗ്രികള്‍ വഹിച്ച് യുഎഇ ജീവകാരുണ്യ സഹായ കപ്പല്‍ എത്തി. 

ALSO READ: അജ്മാനിന്റെ ആകാശത്തും ഇനി പറക്കും ടാക്സികളോ? സ്കൈപോർട്ട്സ് ഇൻഫ്രാസ്ട്രക്ചറുമായി കരാർ ഒപ്പിട്ടു

ഭക്ഷണം, വെള്ളം, മരുന്ന് എന്നിവയുടെ കടുത്ത ക്ഷാമവും അടിസ്ഥാന ജീവിത സാഹചര്യങ്ങളുടെ തകര്‍ച്ചയും മൂലം ലക്ഷക്കണക്കിന് കുടിയിറക്ക പ്പെട്ടവരും ബാധിതരുമായ കുടുംബങ്ങള്‍ സമാനതകളില്ലാത്ത ദുരിതങ്ങളിലൂടെ കടന്നു പോകുന്ന അതിസങ്കീര്‍ണ സാഹചര്യത്തില്‍ ഏറെ വിലമതിക്കുന്നതാണി സഹായ നീക്കം. ഗസ്സയിലെ പാവപ്പെട്ട ജനങ്ങളുടെ നിര്‍ണായക ആവശ്യങ്ങള്‍ക്കും ദാരുണ സാഹചര്യങ്ങള്‍ക്കും മറുപടിയാണ് ഈ സംരഭമെന്ന് ഓപ്പറേഷന്‍ ഷിവറല്‍സ് നൈറ്റ്-3 സംരഭത്തിന്റെ അധികൃതര്‍ പറഞ്ഞു.

അഷിനോദ് തുറമുഖത്ത് നങ്കുരമിട്ട കപ്പലില്‍ ഭക്ഷണ പാഴ്‌സലുകളും മാവ്, ഈത്തപ്പഴം, പാല്‍, ചായ തുടങ്ങിയ അവശ്യ വസ്തുക്കള്‍ അടങ്ങിയ കുട്ടികളുടെ പാക്കേജുകളും ഉള്‍പ്പെടെ 2,500 ടണ്‍ വിവിധ സഹായ വസ്തുക്കള്‍
ഉണ്ട്. ജനങ്ങളെ പിന്തുണയ്ക്കുക, അവരുടെ ദുരിതങ്ങള്‍ ലഘൂകരിക്കുക,  അവരുടെ ജീവന് ഭീഷണിയായ കഠിന സാഹചര്യങ്ങല്‍ നേരിടാന്‍ സഹായിക്കുക എന്നിവയാണ് ഈ സഹായം കൊണ്ട് ഉദ്ദേശിക്കുന്നത്.

ALSO READ: വലവിരിച്ച് കാത്തിരിക്കുകയാണ് തട്ടിപ്പുകാർ; ബാങ്ക് അക്കൗണ്ടിൽ അപ്രതീക്ഷിതമായി പണം വന്നാൽ സൂക്ഷിക്കുക; മുന്നറിയിപ്പുമായി യുഎഇ

രാജ്യത്തിന്റെ ഐക്യദാര്‍ഢ്യത്തിന്റെയും മാനുഷിക ലക്ഷ്യങ്ങാളോടുള്ള പ്രതിബദ്ധതയുടെയും പ്രതിഫലനമായി, യുഎഇ ജീവകാരുണ്യ സ്ഥാപനങ്ങളുമാ യി ഏകോപിപ്പിച്ച് ലഭ്യമായ മുഴുവന്‍ ഉപാധികളിലൂടെയും സഹായം നല്‍കുന്നത് തുടരുകയാണ്. എല്ലാ സാഹചര്യങ്ങളിലും ഫലസ്തീന്‍ ജനതക്കൊപ്പം നില്‍ക്കുന്ന യുഎഇയുടെ സ്ഥിര സമീപനത്തെ ഇത് ശക്തിപ്പെടുത്തുന്നു.
ഓപ്പറേഷന്‍ ഷിവല്‍റസ് നൈറ്റ് ആരം ഭിച്ച ശേഷം ഫലസ്തീന്‍ കുടുംബങ്ങളെ പിന്തുണയ്ക്കുന്നതിനും അവരുടെ മാനുഷിക ആവശ്യങ്ങള്‍ പരിഹരിക്കുന്നതിനുമായി യുഎഇ നിരവധി സഹായ കപ്പലുകള്‍ ഗസ്സയിലേക്ക് ഇതിനകം അയച്ചിട്ടുണ്ട്.

As part of Operation Chivalrous Knight 3, the United Arab Emirates has delivered 2,500 tons of urgent humanitarian aid to Gaza. The initiative underscores the UAE's ongoing commitment to support civilians affected by the conflict.