മനാമ : ബഹ്‌റൈന്‍ തിരുവനന്തപുരം വിമാന സര്‍വീസ് പുനഃസ്ഥാപിക്കണമെന്നാവശ്യപ്പെട്ട് ബഹ്‌റൈന്‍ യാത്രാ സമിതി അധികൃതര്‍ക്ക് നിവേദനം നല്‍കി.

ബഹ്‌റൈനില്‍ എത്തിയ ശശി തരൂര്‍ എംപിക്കാണ് ഇതുസബന്ധിച്ച നിവേദനം നല്‍കിയത്. നേരിട്ടുള്ള സര്‍വീസ് പരിഗണിക്കാന്‍ വേണ്ട സമ്മര്‍ദം ചെലുത്തുവാന്‍ ജനപ്രതിനിധികള്‍ മുന്‍കൈയെടുക്കണമെന്നും യാത്ര സമിതി ആവശ്യപ്പെട്ടു.

ബഹ്‌റൈന്‍ മാഗ്ലൂര്‍ തിരുവനന്തപുരം വഴി ആക്കുകയോ ബഹ്‌റൈന്‍ ട്രിച്ചി തിരുവനന്തപുരം വഴി തുടങ്ങുകയോ ചെയ്താല്‍ അയല്‍ സംസ്ഥാന യാത്രക്കാര്‍ക്കും വിമാനം മാറി കയറാതെ അതെ വിമാനത്തില്‍ സൗകര്യപ്രദമായി യാത്ര ചെയുവാന്‍ സാധിക്കും . തിരുവനന്തപുരത്തേക്കു കൂടുതല്‍ കണക്ഷന്‍ സര്‍വീസ് തുടങ്ങുവാന്‍ വേണ്ട നടപടികള്‍ സ്വീകരിക്കുവാനും വരുന്ന സമ്മര്‍ ഷെഡ്യൂളില്‍ ഉള്‍പെടുത്തി അവധിക്കാല തിരക്കും യാത്ര നിരക്കും നിയന്ത്രിക്കാന്‍ വിമാന കമ്പനികള്‍ തയാറാകണമെന്നു യാത്ര സമിതി ആവശ്യപ്പെട്ടു

തിരുവനന്തപുരത്തേക്ക് കൂടുതല്‍ കണക്ഷന്‍ സര്‍വീസുകള്‍ ഏര്‍പ്പെടുത്തുവാന്‍ ശ്രമിക്കുമെന്ന് ശശി തരൂര്‍ എംപി യാത്രാ സമിതി ഭാരവാഹികളെ അറിയിച്ചു.
ബഹ്‌റൈന്‍ കേരളീയ സമാജത്തില്‍ നടന്ന ശശിതരൂര്‍ എംപിയുമായുള്ള കുടിക്കാഴ്ചയില്‍ സമിതി ഭാരവാഹികളായ കെ.ടി. സലിം, അജി ഭാസി, സുനില്‍ തോമസ് റാന്നി , അനീസ് .വി.കെ., ബിജു മലയില്‍ എന്നിവര്‍ പ്രതിനിധീകരിച്ചു.