മോസ്‌കോ: തുടര്‍ച്ചയായി രണ്ട് ലോകകപ്പ് മത്സരങ്ങില്‍നിന്ന് രണ്ട് വീതം ഗോളുകള്‍ നേടുകയെന്ന മറഡോണയുടെ റെക്കോര്‍ഡിനൊപ്പമെത്തി ബെല്‍ജിയം താരം റൊമേലു ലുക്കാക്കു. ആദ്യ മത്സരത്തില്‍ പാനമക്കെതിരേയും രണ്ടാം മത്സരത്തില്‍ തുണീഷ്യക്കെതിരേയും ലുക്കാക്കു രണ്ട് ഗോളുകള്‍ വീതം നേടിയിരുന്നു. ഇതാണ് ലുക്കാക്കുവിനെ റെക്കോര്‍ഡിനൊപ്പമെത്തിച്ചത്. 1986 ലോകകപ്പില്‍ മറഡോണ ഇത്തരത്തില്‍ റെക്കോര്‍ഡ് കുറിച്ചിരുന്നു. ബെല്‍ജിയത്തിനെതിരേയും ഇംഗ്ലണ്ടിനെതിരേയും നടന്ന മത്സരത്തില്‍ രണ്ട് വീതം ഗോളുകള്‍ മറഡോണ സ്വന്തമാക്കിയിരുന്നു. ഇംഗ്ലീഷ് സ്‌ട്രൈക്കര്‍ ഗാരി ലിനേക്കറിന്റെ പേരിലും ഇതേ റെക്കോര്‍ഡുണ്ട്.