നാഗര്‍കോവില്‍: രാഷ്ട്രീയത്തിലേക്ക് പ്രവേശിക്കാന്‍ താല്‍പര്യം അറിയിച്ച് സോളാര്‍ കേസ് പ്രതി സരിത എസ്. നായര്‍. തമിഴ്‌നാട്ടിലെ ആര്‍.കെ നഗര്‍ എം.എല്‍.എയായ ടി.ടി.വി ദിനകരന്റെ അമ്മ മക്കള്‍ മുന്നേറ്റ കഴകത്തില്‍ ചേരാനാണ് സരിത താല്‍പര്യം അറിയിച്ചത്. ഇതുമായി ബന്ധപ്പെട്ട തീരുമാനം പാര്‍ട്ടി നേതാക്കളിലൊരാളായ കെ.ടി പച്ചമാലിനെ സരിത നേരിട്ട് അറിയിച്ചു.

വിവരം പാര്‍ട്ടി നേതൃത്വത്തെ അറിയിക്കുമെന്നും അന്തിമ തീരുമാനം അവിടെ നിന്നാണുണ്ടാകുകയെന്നും പച്ചമാല്‍ വ്യക്തമാക്കി. നാഗര്‍കോവില്‍ തമ്മത്തുകോണത്തു വച്ചായിരുന്നു പച്ചമാലുമായി സരിത കൂടിക്കാഴ്ച നടത്തിയത്.