തിരുവനന്തപുരം: കൊവിഡ്- 19 പ്രതിരോധത്തിന്റെ ഭാഗമായി ഒരു ലക്ഷം മാസ്‌കുകള്‍ നിര്‍മിച്ചു വിതരണം ചെയ്യാന്‍ കേരള ഖാദി ഗ്രാമ വ്യവസായ ബോര്‍ഡ്. സംശുദ്ധവും പ്രകൃതിദത്തവുമായ ഖാദി തുണിയില്‍ നിര്‍മിച്ച് അണുവിമുക്തമാക്കിയ മാസ്‌കുകളാണ് വിതരണം ചെയ്യുന്നത്. ആദ്യഘട്ടമായി കൊവിഡ് പ്രതിരോധ പ്രവര്‍ത്തനങ്ങളില്‍ സജീവമായ ആരോഗ്യ പ്രവര്‍ത്തകര്‍, പൊലിസ് ഉദ്യോഗസ്ഥര്‍, മാധ്യമപ്രവര്‍ത്തകര്‍ തുടങ്ങിയവര്‍ക്ക് മാസ്‌ക് സൗജന്യമായി വിതരണം ചെയ്തു.