കോഴിക്കോട്: ഖത്വീബുമാരുടെ സംസ്ഥാനതല സംഗമം നാളെ പത്തിന് കോഴിക്കോട് ടാഗോര്‍ സെന്റിനറി ഹാളില്‍ നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും.സി.കെ.എം സാദിഖ് മുസ്്‌ലിയാര്‍, എം.ടി അബ്ദുല്ല മുസ്്‌ലിയാര്‍, കൊയ്യോട് ഉമര്‍ മുസ്്‌ലിയാര്‍, ചേലക്കാട് മുഹമ്മദ് മുസ്‌ലിയാര്‍, പി. കുഞ്ഞാണി മുസ്‌ലിയാര്‍, വാവാട് കുഞ്ഞിക്കോയ മുസ്്‌ലിയാര്‍, കെ.ടി ഹംസ മുസ്്‌ലിയാര്‍, കുമ്പള ഖാസിം മുസ്‌ലിയാര്‍, ആലുവ എം.എം മുഹ്‌യിദ്ദീന്‍ മുസ്‌ലിയാര്‍ സംബന്ധിക്കും. അബ്ദുസ്സമദ് പൂക്കോട്ടൂര്‍, ഡോ. ബഹാഉദ്ദീന്‍ മുഹമ്മദ് നദ്‌വി എന്നിവര്‍ വിഷയമവതരിപ്പിക്കും. ജംഇയ്യത്തുല്‍ ഖുത്വബാ സംസ്ഥാന കമ്മിറ്റിക്ക് സംഗമത്തില്‍ രൂപം നല്‍കും.
ജംഇയ്യത്തുല്‍ ഖുത്വബാ ജില്ലാ പ്രവര്‍ത്തകസമിതി അംഗങ്ങള്‍, മേഖലാ ഭാരവാഹികള്‍, എസ്.എം.എഫ് ജില്ലാ സെക്രട്ടറിമാര്‍ എന്നിവരാണ് സംഗമത്തില്‍ പങ്കെടുക്കേണ്ടതെന്ന് എസ്.എം.എഫ് ജന. സെക്രട്ടറി ഉമര്‍ ഫൈസി മുക്കം അറിയിച്ചു.