ഗൂഡല്ലൂര്‍: അത്തിപ്പാളിയിലെ വീട്ടില്‍ നിന്ന് ചന്ദനത്തടികള്‍ കണ്ടെത്തിയ സംഭവത്തില്‍ ഒരാളെ വനംവകുപ്പ് പിടികൂടി.
ചെന്നൈ വണ്ടല്ലൂരിലെ വേലു(29)വാണ് വനംവകുപ്പിന്റെ പിടിയിലായത്. അത്തിപ്പാളിയിലെ ഒരു വീട്ടില്‍ നിന്ന് കഴിഞ്ഞ ദിവസം 40 കിലോ ചന്ദനമുട്ടികള്‍ വനംവകുപ്പ് ഉദ്യോഗസ്ഥര്‍ പിടികൂടിയിരുന്നു.
തുടര്‍ന്ന് നടത്തിയ അന്വേഷണത്തില്‍ ചന്ദനക്കഷ്ണങ്ങള്‍ ഇവിടെയെത്തിച്ചയാള്‍ ചെന്നൈയിലുണ്ടെന്ന വിവരം ലഭിച്ചിരുന്നു. ഇതേ തുടര്‍ന്നാണ് ഇയാളെ വനംവകുപ്പ് ചെന്നൈയിലെത്തി പിടികൂടിയത്. ഗൂഡല്ലൂര്‍ കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു. ഒളിവില്‍ പോയ വീട്ടുടമ ചിങ്കിലിയെയും വേലുവിന്റെ കൂട്ടാളിക ളെക്കുറിച്ചും അന്വേഷണമാരംഭിച്ചിട്ടുണ്ട്.