നരിക്കുനി: മടവൂര്‍ സി.എം മഖാം ഉറൂസിന്റെ ഭാഗമായി ഇന്നു രാവിലെ 10ന് നടക്കുന്ന ഹജ്ജ് പഠന ക്ലാസ് കോട്ടുമല ടി.എം ബാപ്പു മുസ്‌ലിയാര്‍ ഉദ്ഘാടനം ചെയ്യും. വില്ല്യാപ്പള്ളി ഇബ്രാഹിം മുസ്‌ലിയാര്‍ ക്ലാസിനു നേതൃത്വം നല്‍കും. രാത്രി നടക്കുന്ന മജ്‌ലിസുന്നൂര്‍ സദസ് സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
യൂസുഫ് ബാഖവി കരീറ്റിപ്പറമ്പ്, ടി.പി.സി മുഹമ്മദ്‌കോയ ഫൈസി, സലാം ഫൈസി മുക്കം, അഹമ്മദ്കുട്ടി ഫൈസി ചളിക്കോട് സംബന്ധിക്കും. മതപ്രഭാഷണം എം.എ ഖാസിം മുസ്‌ലിയാര്‍ ഉദ്ഘാടനം ചെയ്യും. ഓണംപിള്ളി മുഹമ്മദ് ഫൈസി പ്രഭാഷണം നടത്തും. ദിക്‌റ് ദുആ സമ്മേളനം നാളെ രാവിലെ ഏഴിന് സമസ്ത പ്രസിഡന്റ് എ.പി മുഹമ്മദ് മുസ്‌ലിയാര്‍ കുമരംപുത്തൂര്‍ ഉദ്ഘാടനം ചെയ്യും.
ഇന്നലെ രാവിലെ നടന്ന അനുസ്മരണ സമ്മേളനം സമസ്ത മുശാവറ അംഗം ഉമര്‍ ഫൈസി മുക്കം ഉദ്ഘാടനം ചെയ്തു. ബഷീര്‍ ഫൈസി ദേശമംഗലം അനുസ്മരണ പ്രഭാഷണം നടത്തി. ടി.കെ പരീക്കുട്ടി ഹാജി, അബ്ദുല്‍ ബാരി ബാഖവി, മലയമ്മ അബൂബക്കര്‍ മുസ്‌ലിയാര്‍, മുസ്തഫ മുണ്ടുപാറ, ഒ.പി അഷ്‌റഫ് പ്രസംഗിച്ചു. രാത്രി നടന്ന മതപ്രഭാഷണ പരമ്പര സയ്യിദ് അത്വാഉല്ല തങ്ങള്‍ മഞ്ചേശ്വരം ഉദ്ഘാടനം ചെയ്തു. ഷൗക്കത്തലി മൗലവി വെള്ളമുണ്ട പ്രഭാഷണം നടത്തി. യു.കെ അബ്ദുല്‍ ലത്വീഫ് മൗലവി, പി.പി കുഞ്ഞാലന്‍കുട്ടി ഫൈസി, ഇ. അഹമ്മദ്കുട്ടി ഫൈസി പ്രസംഗിച്ചു. കഴിഞ്ഞ ദിവസം നടന്ന മതപ്രഭാഷണം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തു.