ഉരുവച്ചാല്‍: കാറും ബസും കൂട്ടിയിടിച്ച് കാറിന്റെ മുന്‍ഭാഗം തകര്‍ന്നു. മാലൂര്‍ റോഡില്‍ എരട്ടേങ്ങല്‍ വളവില്‍ ഇന്നലെ വൈകുന്നേരമാണ് സംഭവം. ഉരുവച്ചാല്‍ ഭാഗത്തേക്ക് വരികയായിരുന്ന കാറും മാലൂരിലേക്ക് പോവുകയായിരുന്ന ബസുമാണ് കൂട്ടിയിച്ചത്. അപകടത്തില്‍ ആര്‍ക്കും പരുക്കില്ല. അപകടത്തെ തുടര്‍ന്ന് അല്‍പനേരം ഗതാഗതം തടസപ്പെട്ടു. മാലൂര്‍ എസ്.ഐ അശോകനും സംഘവും സ്ഥലത്തെത്തി വാഹനങ്ങള്‍ മാറ്റി.
അപകടത്തിന്റെ കാരണം വ്യക്തമായിട്ടില്ല.