തൃക്കരിപ്പൂര്‍: ഇന്നലെ വൈകീട്ടുണ്ടായ ശക്തമായ ഇടിമിന്നലില്‍ വീടിനു തീപിടിച്ചു. തൃക്കരിപ്പൂര്‍ ചൊവ്വേരി പെട്രോള്‍ ബങ്കിന് സമീപമുള്ള ഒ.ടി ജലീലിന്റെ വീടിനാണു തീ പടര്‍ന്നത്. ഇടിമിന്നലില്‍ തെങ്ങിന് തീപിടിക്കുകയും ഇലക്ട്രിക്കല്‍ വയറിങിലൂടെ വീട്ടിലേക്കു തീ പടരുകയുമായിരുന്നു. നടക്കാവില്‍ നിന്ന് അഗ്നിശമന സേനയെത്തി തീ അണച്ചു. വീടിനു ചെറിയ തോതില്‍ കേടുപാടുകള്‍ സംഭവിച്ചു.

ദക്ഷിണ നാവിക കമാന്‍ഡന്റ് മലിനജല പ്ലാന്റ് സന്ദര്‍ശിച്ചു

ഏഴിമല: ഏഴിമല നാവിക അക്കാദമിയിലെ മലിനജല പ്ലാന്റ് ദക്ഷിണ നാവിക കമാന്‍ഡന്റ് വൈസ് അഡ്മിറല്‍ എ.ആര്‍ കാര്‍വെ സന്ദര്‍ശിച്ചു. രാമന്തളിയിലെ പ്രദേശവാസികളുടെ ആവശ്യങ്ങള്‍ അംഗീകരിക്കും.
പ്രശ്‌നം പഠിക്കാന്‍ സര്‍ക്കാര്‍ അംഗീകൃത ഏജന്‍സിയെ ചുമതലപ്പെടുത്തിയിട്ടുണ്ട്. ആധുനിക മലിനജല പ്ലാന്റ് ഉടന്‍ സ്ഥാപിക്കും.
നാവിക അക്കാദമി കമാന്‍ഡന്റ് വൈസ് അഡ്മിറല്‍ എസ്.വി ഭൊകാരെ, സ്റ്റേഷന്‍ കമാന്‍ഡര്‍ കമലേഷ് കുമാര്‍ എന്നിവരും ഒപ്പമുണ്ടായി.