ഉരുവച്ചാല്‍:ഉരുവച്ചാലില്‍ നിര്‍മാണം നടക്കുന്ന വീട്ടിലെ ചുമര്‍ തകര്‍ന്ന് വീണ് മൂന്ന്‌പേര്‍ക്ക് പരുക്കേറ്റു.
നിര്‍മാണ ജോലിയില്‍ ഏര്‍പ്പെട്ട ഉരുവച്ചാല്‍ സ്വദേശി സോണ, മുണ്ടോറപ്പൊയില്‍ കട്ടന്‍ ചന്ദ്രി ഓണാറമ്പന്‍ രാജന്‍ എന്നിവര്‍ക്കാണ് പരുക്കേറ്റത്.

സോണയേയും ചന്ദ്രിയേയും തലശ്ശേരി സ്വകാര്യ ആശുപത്രിയിലും രാജനെ ഉരുവച്ചാല്‍ മെഡിക്കല്‍ സെന്ററിലും പ്രവേശിപ്പിച്ചു.ചന്ദ്രിയുടെ പരിക്ക് ഗുരുതരമായതിനാല്‍ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി.

ഉരുവച്ചാല്‍ ലിലെ ഗവ.എല്‍.പി സ്‌കൂളിന് സമീപത്ത് പുതുതായി നിര്‍മ്മിക്കുന്ന കെ.പി.സലാമിന്റെ വീടിന്റെ  അണ്ടര്‍ ഗ്രൗണ്ടിന്റെ ഏഴ് വരി ചെങ്കല്ല് ആണ് മറിഞ്ഞു വീണത്.