കോട്ടയം: തിരുവാതുക്കല്‍ മസ്ജിദുന്നൂര്‍ മുസ്‌ലിം ജമാ-അത്തിന്റെ ആഭിമുഖ്യത്തില്‍ നടക്കുന്ന ദിക്‌റ് ഹല്‍ഖായുടെ 12-ാമത് വാര്‍ഷികത്തിന് നാളെ തുടക്കം. മൂന്നു ദിവസം നീണ്ടു നില്‍ക്കുന്ന പരിപാടി തിരുവാതുക്കല്‍ നൂറുല്‍ ഇസ്‌ലാം മദ്‌റസാ ഹാളിലാണ് നടക്കുക.
 വെള്ളിയാഴ്ച വൈകിട്ട് ഏഴിന്  കെ.എസ് കുഞ്ഞുമൊയ്തീന്‍ മുസ്‌ലിയാര്‍ വാര്‍ഷികം ഉദ്ഘാടം ചെയ്യും. പ്രസിഡന്റ് ഹാജി റ്റി.പി റഷീദ്  അധ്യക്ഷനാകും.എറണാകുളം സെന്‍്ട്രല്‍ ജുമാ മസ്ജിദ് ചീഫ് ഇമാം അബൂമാലിക്കി ത്വാഹാ മഹ്‌ളരി പ്രഭാഷണം നടത്തും. കുടുംബ ഭദ്രത ഇസ്‌ലാമിക വീക്ഷണത്തില്‍ എന്ന വിഷയത്തിലാണ് പ്രഭാഷണം.യോഗത്തില്‍ കെ.കെ പരീത്കുഞ്ഞ്, ബഷീര്‍ കണ്ണാട്ട് സംസാരിക്കും.
 ശനിയാഴ്ചവൈകിട്ട് ഏഴിന് ഹാജി കെ.കെ കുഞ്ഞുമുഹമ്മദ് കാലായിലിന്റെ അധ്യക്ഷതയില്‍ നടക്കുന്ന പരിപാടിയില്‍ സയ്യിദ് ഷറഫുദീന്‍ മുഖൈബിലി പ്രഭാഷണം നടത്തും. ഈസാനബി(യോശുക്രിസ്തുവി)യുടെ പുനരാഗമനവും ലോകാവസാനവും എന്നതാണ് പ്രഭാഷണ വിഷയം.എന്‍.എ നിസാറുദ്ദീന്‍,റ്റി.പി ഷാജി സംസാരിക്കും.സമാപന ദിവസമായ ഞായറാഴ്ച്ച ഏഴിന് കെ.എസ് കുഞ്ഞുമൊയ്തീന്‍ മുസ്‌ലിയാര്‍,കെ.എം അഷ്‌റഫ് അല്‍ഹസനി എന്നിവരുടെ നേതൃത്വത്തില്‍ ദിക്‌റ് ഹല്‍ഖായും, സയ്യിദ് ഹസ്ബുല്ലാ ബാഫഖി  അനുഗ്രഹ പ്രഭാഷണവും പ്രാര്‍ഥനയും നടത്തും.