പട്‌ന: കേന്ദ്രമന്ത്രി രാംകൃപാല്‍ യാദവിന്റെ വാഹനവ്യൂഹത്തിലെ ജീപ്പിടിച്ച് ബൈക്ക് യാത്രികനായ യുവാവ് മരിച്ചു. ആറുപേര്‍ക്ക് പരുക്കേറ്റു. രാഹുല്‍ കുമാര്‍ (18) ആണ് മരിച്ചത്. പറ്റ്‌ന ജില്ലയിലാണ് അപകടം. യുവാവ് സംഭവസ്ഥലത്തുതന്നെ മരിച്ചു. ജീപ്പിലുണ്ടായിരുന്ന ആറു സുരക്ഷാ ഉദ്യോഗസ്ഥര്‍ക്കാണു പരുക്കേറ്റത്. പരുക്കേറ്റവരെ നളന്ദ മെഡിക്കല്‍ കോളജ് ആശുപത്രിയിലേക്ക് മാറ്റി.
അപകടം നിര്‍ഭാഗ്യകരമാണെന്നും രാഹുലിന്റെ കുടുംബാംഗങ്ങളുടെ ദുഃഖത്തില്‍ പങ്കുചേരുന്നുവെന്നും മന്ത്രി പറഞ്ഞു. ഒരു പൊതുപരിപാടി ഉദ്ഘാടനം ചെയ്ത ശേഷം പറ്റ്‌നയിലേക്ക്് പോവുകയായിരുന്നു മന്ത്രി.