ന്യൂഡല്‍ഹി: ഐ.സി.സി ചാംപ്യന്‍സ് ട്രോഫി ക്രിക്കറ്റ് ടൂര്‍ണമെന്റിനുള്ള അംബാസഡറായി മുന്‍ ഇന്ത്യന്‍ താരം ഹര്‍ഭജന്‍ സിങിനെ നിയമിച്ചു. എട്ടു അംബാസഡര്‍മാരാണ് ആകെയുള്ളത്. പാകിസ്താന്റെ ഷാഹിദ് അഫ്രീദി, ബംഗ്ലാദേശിന്റെ ഹബീബുള്‍ ബാഷര്‍, ഇംഗ്ലണ്ടിന്റെ ഇയാന്‍ ബെല്‍, ന്യൂസിലന്‍ഡിന്റെ ഷെയ്ന്‍ ബോണ്ട്, ആസ്‌ത്രേലിയയുടെ മൈക്ക് ഹസി, ശ്രീലങ്കയുടെ കുമാര്‍ സംഗക്കാര, ദക്ഷിണാഫ്രിക്കയുടെ ഗ്രേയം സ്മിത്ത് എന്നിവരാണ് മറ്റുള്ളവര്‍.
ജൂണ്‍ ഒന്നു മുതല്‍ 18 വരെയാണ് ടൂര്‍ണമെന്റ് നടക്കുന്നത്. നിയമനത്തില്‍ സന്തോഷമുണ്ടെന്നും ടൂര്‍ണമെന്റില്‍ ഇന്ത്യക്ക് സാധ്യതയുണ്ടെന്നും അദ്ദേഹം പറഞ്ഞു.